ARC e MOS aderint a sa manifestada contra sas tzerachias militares in Sardigna

De Massimo Mele su 10 Cabudanni 2014. manco unu cummentu

Su MOS de Tàtari e su ARC de Casteddu, aderint a sa manifestada natzionale contra s’ocupatzione militare de sa Sardigna, chi s’at a tènnere sàbadu 13 de cabudanni dae sas oras 16:30 in Cabu Frasca.
“Annos de initziativas de sensibilizatzione contra intolleràntzia, apètigos e disparidade chi nos ant insingiadu a reconnòschere che nostras cussas peleas chi mirant a su reconnoschimentu de sos deretos fundamentales a sa libertade e a sa paridade.
Sa rebellia contra s’apètigu militare chi sa Sardigna sufrit dae sessant’annos nos tocat galu prus dae curtzu, ca semus tzitadinas e tzitadinos de custa Terra”. Iscriet s’assòtziu de Casteddu.
Sos duos assòtzios LGBTQ cumpartzint prenamente sas pretesas de s’addòbiu de su 13 de cabudanni: pedimus sa tasida de totu sas esercitatziones militares, ma finas sa tancada de totu sas tzerachias, sas bases e sos polìgonos militares cun sa bonìfica e sa cunversione de sos logos interessados.

Sa manifestada

Custa publicatzione est disponìbile fintzas in: Italian