Casteddu in pratza contra a s’omofobia

De Massimo Mele su 17 Maju 2015. manco unu cummentu

Eris in Casteddu b’at àpidu, comente cadannu, sa fiacolada contra a s’omofobia promòvida dae s’ARC in intro de sa Queeresima 2015. Chentinas de persones ant leadu parte a s’initziativa leende in fatu una candela o cartellos contra a s’omofobia e a sa transfobia. Bi fiat finas su sìndigu Màssimo Zedda, chi at fatu sos saludos de sa tzitade, paris a medas esponentes de sa Giunta e de sa majoria. Torrende gràtzias a totu sos chi ant leadu parte, s’ARC denùntziat sos cumportamentos omofòbicos chi ant cumpangiadu sa manifestatzione in sos cummentos de sas testadas locales: “nudda de prus si no un’omofobia mala, tìpica de unu ratzismu antigu e, in custu perìodu indignu de crisi e de seguresa paga, alimentadu a manera costante”. Ma, paris a àteros assòtzios organizadores de sa Queeresima, pedint a totus de “sighire a essire a fora, pro fàghere publicamente sas batàllias pro sos deretos, pro sa libertade de s’espressare, de s’autorapresentare e de s’autodeterminare”.

Custa publicatzione est disponìbile fintzas in: Italian