Su Rèinnu Unidu no est prus su mellus logu in Europa pro is deretos LGBT. Italia aintru de is ùtimus

De Massimo Mele su 24 Santugaine 2015. manco unu cummentu

Is catrus annus pasaus, su Rèinnu Unidu at stetiu s’istadu primu de sa filera in sa “lista arch’e chelu” de s’Europa – lista cuncordada dae su grupu ILGA-Europe – ma custa chida Malta s’at arregonnòsciu cumenti sa prus incluidora pro sa genti LGBT.

Sa classìfica pigat in contu prus de coranta fatores aintru de is leis e de is polìticas chi dònnia istadu assètiat e chi marcant sa vida de sa genti LGBT, pro assempru: cuestiones de familla, intzullus de tìrria, arregonnòschida de gèneru e libertade de esprimidura.

Su RU at pèrdiu puntus in fatores cumenti amìtiri interventzioni mèdica a pipius intersex, no acetai asilu po arrexonis de identidade de gèneru e arregonnòschida de gèneru.

Sa cosa istràngia de custa listera (ma ILGA etotu dd’at sinnalau) est ca Malta sighit no arregonoscendi sa coja aintru de persones de su matessi sessu e ni mancu s’Irlanda de Norte aintru de su Rèinnu Unidu.

S’istadu italianu est colocau a sa positzioni 35 in sa lista de 49 istados europeos e bixinos a Europa.

De Bakis Murgia