Ian McKellen a Farage: “Sos antzianos in dificultade cun sos omosessuales? Forsis dias dèvere essire de prus”

Domu » Novas » Mundu » Ian McKellen a Farage: “Sos antzianos in dificultade cun sos omosessuales? Forsis dias dèvere essire de prus”

De Massimo Mele su 16 Maju 2014. manco unu cummentu

farageNon sunt abarradas sena efetos sas paràulas de Nigel Farage, cabu discùtidu de su partidu ultracunservadore UKIP, chi at chircadu de motivare s’omofobia de unu collega suo de partidu: “est un’òmine de setanta annos crèschidu cun un’educatzione cristiana forte, sa majoria de sos chi tenent prus de 70 annos s’intendet in dificultade cun sos omosessuales”.

Sa risposta mègius podiat arribare setzi dae Ian McKellen, su Gandalf de sa pellìcula “Il Signore degli Anelli”. McKellen, de 73 annos, omosessuale e àteu decraradu dae su 1988 (in època Thatcher), at decraradu in in un’intervista in Channel 4: “De seguru no at dimandadu su pàrrere meu o su suo”, referende·si a s’amigu Patrick Stewart, s’atore de 74 annos famadu pro èssere istadu su capitanu Picard in Star Trek; “penso, sintzeramente, chi Farage diat dèvere essire de prus”.

Custa publicatzione est disponìbile fintzas in: Italian

Pùblica unu cummentu