Sa pibiaghena intre sas undas arcu de chelu est su sìmbulu nou de su Sardegna Pride

Domu » Novas » Novas Sardigna » Sa pibiaghena intre sas undas arcu de chelu est su sìmbulu nou de su Sardegna Pride

De admin su 18 Martzu 2014. manco unu cummentu

Logo-Sardegna-Pride-2014
TÀTARI. At a èssere una pibiaghena sarda chi nadat intre sas undas arcu de chelu, traballu de su gràficu Antonio Fois, s’immàgine chi at a acumpangiare sa de duas editzione de su Sardegna Pride programmada in s’Alighera dae su 21 a su 28 de làmpadas chi ant a bènnere. Suta su sìmbulu b’est sa didascalia “New York 1969 / Alghero 2014“.

premiazione_logo_pride3Ocannu, difatis, sunt 45 annos esatos dae sa rebellia de Stonewall in su 28 de làmpadas 1969 cando, pro sa prima borta, gay, lesbianas e trans si sunt rebellad*s a sas ofensas suprias de sa politzia e ant reagidu a sa retada ennèsima in su tzilleri gay de Greenwich Village in New York, su Stonewall Inn.

Cussa acuntèssia a sinnadu sa nàschida de su Movimentu de liberatzione omosessuale in Amèrica e in Europa, e lu afestant cada annu comente dia de s’ondra LGBTQ (Lesbianu, Gay, Bisessuale, Transgènere, Queer).

S’immàgine de Antonio Fois, de s’agentzia Mouseady, at prevalèssidu subra àteras duas lòmpidas in finale a su cuncursu pro su sìmbulu, cussa de su fotògrafu Marco Mura e de s’artista Elena Muresu.

Custa publicatzione est disponìbile fintzas in: Italian

Pùblica unu cummentu