Ivrea: sos istudentes atacant sa professora chi est contra a sos omosessuales “No est digna de istare cun nois”

Domu » Novas » Itàlia » Ivrea: sos istudentes atacant sa professora chi est contra a sos omosessuales “No est digna de istare cun nois”

De admin su 13 Santandria 2014. manco unu cummentu

sentinellaIVREA. Sos istudentes de su litzeu Botta de Ivrea iscrient una lìtera aberta intitulada “La paura dell’uguale” pro rispòndere a s’artìculu de su bolletinu de sa parròchia de Rivarolo firmada dae sa professora issoro de italianu e de istòria Cristina Zaccanti. Sos istudentes de seguru non sunt delicados cun issa. «Dae unu puntu de vista istòricu, custas discriminatziones sunt semper istadas sa base pro sas ritorsiones prus malas e sos olocàustos, capitados pro curpa de òmines malos de orientamentu polìticu e religiosu diferente. Pro fàghere a manera chi totu custu non torret a capitare, manifestamus s’arrennegu nostru a s’idea de istare in un’istitutu iscolàsticu (chi dae semper no at mai atzetadu cada forma de omofobia) paris a un’insegnante chi at espressadu custas frasias. In prus, custas non devent èssere sustènnida dae un’insegnante de un’istitutu làicu e istatale, in ue sas matèrias sientìficas no imparant s’ugualliàntzia e su rispetu».
Zaccanti aiat faeddadu de unu disignu de sos assòtzios Lgtb (lèsbicas, omosessuales, bisessuales, transessuales) pro permìtere sa trasformatzione antropològica de sa sotziedade nostra, faeddende de mètodos didàticos chi prevident sa masturbatzione giai dae tres annos in sas iscolas. Aiat naradu chi in Itàlia, comente in Inghilterra, a sos pitzinnos de s’asilu beniant dados ormones a manera chi, essende rimandada sa crèschida, apant prus tempus pro detzìdere s’orientamentu sessuale issoro. E a pustis aiat postu a costàgiu de su fenòmenu “gender” sa pedofilia.
«Amus naradu s’opinione nostra – ant concruidu sos istudentes – pro pòdere torrare a iscola chi nos at collidu a su mamentu de s’isseberu nostru in su passàgiu dae sas mèdias a sas superiores e pòdere bìvere in s’ugualliàntzia prus bona, tema de importu mannu e a fundamentu de su pessamentu nostru de rapresentantes e de su bìvere tzivile nostru».

 

Custa publicatzione est disponìbile fintzas in: Italian

Pùblica unu cummentu