Su Sardegna Pride isfundat su muru de sa Regione

Domu » Novas » Novas Sardigna » Su Sardegna Pride isfundat su muru de sa Regione

De Massimo Mele su 19 Maju 2014. manco unu cummentu

regione_queer

Su Sardegna Pride 2014, sa manifestada pro sas libertades e sos deretos de gay, lesbianas e trans pro sa tzitadinàntzia prena de totus e totas, otenet, finisamenti, su primu reconnoschimentu dae sa Regione Sardigna

Paris a su patrotzìniu de sas printzipales comunas chi già in passadu si sunt distintos pro su reconnoschimentu de sas Uniones Tziviles o pro initziativas contra s’omofobia, comente Tàtari, Casteddu, Tissi, Bànari e Bòtidda e sa provìntzia de Tàtari, acudit su patrotzìniu de sa Presidèntzia de su Cussìgiu Regionale. A pustis de annos de totale mudìmene subra sa chistione omosessuale, sa Regione Sardigna, dae pagos mesos ghiada dae una coalitzione de tzentru-manca, iscudet su primu corfu.

“Isperamus chi custu signìfichet un’inversione de deretu in sas polìticas regionales. Intertantu diant pòdere inghitzare dae ue aiat tasidu Soru e ripristinare sos mùtuos a tasso agiudadu pro totas sas parigas e non solu pro cussas cojuadas” riferit Barbara Tetti, de su Movimentu Omosessuale Sardu.

“Isetamus Ganau e Pigliaru in s’acumpangiamentu e innantu a su palcu de su Sardegna Pride. Possibilmente pro annuntziare una lege regionale pro sas parigas de fatu e un impinnu cuncretu de sa Regione in sa cumbata contra s’omofobia e sa transfobia e a totu cantu s’àteras formas de discriminatzione e de ratzismu” agiunghet Massimo Mele, megàfonu de su Sardegna Pride.

Custa publicatzione est disponìbile fintzas in: Italian

Pùblica unu cummentu