Gianni Amelio aberit su Sardinia Queer Short Film Festival 2014

De Massimo Mele su 12 Santandria 2014. manco unu cummentu

In isetu de sa de dòighi editzione de Uno Sguardo Normale Expo, s’Associazione Culturale ARC, su Circolo ARCinema (F.I.C.C.) e s’Associazione Studentesca universitARC, gràtzias a su cuntributu de s’E.R.S.U. — Ente Regionale per il Diritto allo Studio Universitario, presentant su film documentàriu de su mannu regista italianu Gianni Amelio: Felice chi è diverso.
Atraesse sas paràulas de sos giornales e sas immàgines de repertòriu de sa televisione, est contada la pelea contra s’omosessualidade in Itàlia in sa de duas midade de su noighentos. Acabbada sa repressione e su mudìmene totale a pitzu de sa chistione de sos annos fascistas, s’Istadu iscoberit totu paris sa presèntzia e sa vida de sos omosessuales, in una supria cundenna chi, cando non picaiat sa forma de s’atacu deretu o de s’afrenta crara, fiat sutilmente ispeculitada che sa prus gravosa de sas cunditziones, sa prus metzana de sas iscaminadas umanas…
Sa projetzione at a èssere in sala de s’Hostel Marina (scalette Piazza San Sepolcro, Cagliari) a sas oras 21. Intrada in donu, cun tèssera ARC-ARCinema 2014/15.
Custu eventu at a abèrrere sos addòbios de s’editzione 2014 de USN|expo Sardinia Queer Short Film Festival, chi ant a sighire cun sa maratona de projetzione de sos corto-metràgios in cuncursu ocannu giòbia 27 e chenàbura 28 de santandria (Sala “Giovanni Cosseddu”, E.R.S.U. via Trentino — CA) e cun sa tipia chida de eventos de su Festival, dae lunis 1° a sàbadu 6 de nadale (Hostel Marina, scalette Piazza San Sepolcro, Cagliari)
Totu su programma de su Festival, s’elencu de sos cortos isseberados, sas alleàntzias e sos cuntatos in su situ de su Festival
Totu sas informatziones in pitzu a sa projetzione de chenàbura 14 de santandria in sa pàgina ufitziale de s’eventu

Custa publicatzione est disponìbile fintzas in: Italian