Cumbidu a su Sardinia Queer Short Film Festival

Domu » Novas » Novas Sardigna » Cumbidu a su Sardinia Queer Short Film Festival

De Massimo Mele su 23 Trìulas 2015. manco unu cummentu

queer_festival_mosinforma

Sardinia Queer Short Film Festival est unu concursu tzinematogràficu dedicau a crutzumetràrgius, pubricaus o nono, de tema gay, lèsbicu, bisessuali, transessuali e queer, in totus is sinnificaus, perspetivas e realidades suos.

Su concursu si ponit aintru de su programa de Uno Sguardo Normale Expo (Una Castiada Normali Expo) arressinna de tzìnema, literatura e cultura queer ordingiada dae s’ARC, su sòtziu lgbt e queer de Casteddu, dae su tzìrculu ARCinema e dae su sòtziu universitARC.

Is sòtzios ordingiadores si proponint de amanniai sa coscientzia de sa sotziedadi, cun s’arte cumenti mediu universali de comunicatzioni, inpitzus de is temas de is difarèntzias naturales de orientamentu sessuali e de identidade de gèneru, e inpitzus de s’abisònniu de arribai a equibalentes deretos tziviles pro totus.
Fintzas, su festival pesseghit sa tenta de avvalorai e promovvi sas produtziones tzinematogràficas, mancai piticas e piticas meda, intregadas a custu tema; favoressi s’arrexonada e su cuncambiu culturali intra produtziones de difarentis istados;

Sardinia Queer Short Film Festival est dedicau escruidamenti a crutzumetràrgius de no prus de 25 minutos de dura (incluendi tìtulos de cumentzu e acabu); ant a essi amìtias obras de calichisiat gèneru e produtzioni: documentarios, fiction, animatzioni clàssica o digitali, videoclip, videoarte.
Sa partitzipatzioni est obeta a totus is obras realisadas a pustis de su 1° de Gennàrgiu 2013, chentz’e làcanas de gèneru, forma e tècnica, chi siant pubricadas o nono in salas tzinematogràficas o in su mracau homevideo in Sardigna, Italia o in s’istràngiu.

S’ant a assinnai is prèmius chi sighint:
•Prèmiu pro su mellu crutzumetràrgiu: €2000,00
•Prèmiu de su pùbricu: €500,00
•Prèmiu pro su mellu crutzumetràrgiu originali inpitzus de sa realidade lgbtq sarda: €300,00 + 200€ assinnaus dae Liberatzione pro su crutzu binchidore in limba sarda.

Pro partitzipai, inoi s’agatant s’arregulariu e s’ischeda de annotadura.

De Bakis Murgia

Pùblica unu cummentu