Cassatzione: a coitu deretos a sas parigas gay. Coju? Detzidat su Parlamentu.

Domu » Novas » Itàlia » Cassatzione: a coitu deretos a sas parigas gay. Coju? Detzidat su Parlamentu.

De Massimo Mele su 10 Freàrgiu 2015. manco unu cummentu

matrimoni_gaySa Cassatzione narat de nono a sos cojos gay“. Cun unu pagu de confusione subra su rolu de sa Cassatzione, s’imprenta italiana at iscobiadu male su dispositivu cun su cale sa Cassatzione at respintu su recursu de una pariga gay chi si cheriat cojuare in Campidoglio.

Cunforma a sa Suprema Corte, su nono a su coju pro sas parigas omosessuales non podet èssere cunsideradu una discriminatzione, ca sa Costitutzione italiana e sa Carta de sos Deretos Fundamentales de s’UE no imponent de istèrrere s’isposòngiu a sas parigas gay e lesbianas, issèberu chi podet però èssere adotadu dae sìngulos Parlamentos. Imponent imbetze, giai immoe, de reconnòschere a sas famìlias omosessuales “unu gradu de amparu paragonàbile a cussu matrimoniale in totu sas situatziones in sas cales sa falta de una disciplina legislativa determinat un’ischinnidura de deretos fundamentales chi derivat dae sa relatzione”.

Sos giùighes apretant duncas su Parlamentu subra sa netzessidade de dare unu “reconnoschimentu” a sas parigas de su matessi sessu, afirmende s'”isminorigamentu” de “custas relatziones a su canale de sas formatziones sotziales deretas a s’isvilupu in forma primària, de sa personalidade umana”.
In pitzu a su coju sa Corte ispetzificat chi, bellechì non lu imponet, Carta de sos Deretos Fundamentales de s’UE, non escludet chi sos Istados membros isterrant su modellu matrimoniale finas a sas persones de su matessi sessu.

In ùrtimu, custa est una sentèntzia chi no est assolutamente contrària a sos deretos de sas persones omosessuales, antzis sutalìneat s’apretu de una regulamentatzione de sas famìlias gay chi nde aggualit sos deretos cun sas parigas formalmente cojuadas. Chi custu giugat a s’isterrimentu de su coju o a àteros dispositivos legislativos (Uniones Tziviles, parigas de fatu, civil partnership ecc.) no est una faina issoro ma est faina de sos rapresentantes de sos tzitadinos democraticamente eligidos.

Custa publicatzione est disponìbile fintzas in: Italian

Pùblica unu cummentu