Barilla si torrat a fàghere s’immàgine sua: dae omòfoba a a favore de sos omosessuales

Domu » Novas » Itàlia » Barilla si torrat a fàghere s’immàgine sua: dae omòfoba a a favore de sos omosessuales

De admin su 20 Santandria 2014. manco unu cummentu

slide_318675_2952308_freeIn un’annu Barilla at postu rimèdiu a su dannu de immàgine cajonada dae sa fràsia omòfoba de su proprietàriu suo, Guido Barilla, ativende polìticas e pràticas aziendales inclusivas pro omosessuales, lèsbicas, bisessuales e “transgender”.
“No amus a fàghere publitzidade cun omosessuales, ca nos agradat sa famìlia traditzionale. Si sos omosessuales non sunt de acordu, podent semper mandigare sa pasta de un’àtera marca”. Cun custa risposta a sa trasmissione “La zanzara” de Ràdio 24, su 25 de cabudanni de su 2013, Guido Barilla at cajonadu unu movimentu de arrennegu mundiale chi est devènnidu un’atzione manna de boicotàgiu de totu sos produtos de sas aziendas suas.
In un’annu ebbia s’azienda de Parma est resessida, cun atziones cuncretas, a torrare a fraigare s’immàgine sua in cunfrontu a sas comunidades omosessuales.
barilla_putin Cun un’operatzione a 360 grados sa multinatzionale italiana, in su primu postu in su mundu in s’àmbitu de sa pasta, est devènnida in custu setore unu modellu de sighire: illarghiende sa cobertura sanitària a sos dipendentes “transgender” e a sas famìlias issoro, finantziende assòtzios pro sos deretos de sos omosessuales e traballende subra de sa trasparèntzia de sas polìticas pròpias. Sos reconnoschimentos no ant istentadu a arribare in sos Istados Unidos, un’Istadu in ue s’azienda tenet su 30% de su mercadu e unu faturadu chi s’annu passadu s’est acurtziadu a 430 milliones de dòllaros.
“Sunt orgolliosos de nàrrere chi, comente cunseghèntzia de custas discussiones, totus amus imparadu meda subra de sa definitzione vera e significadu de famìlia” sustenet oe Guido Barilla “in s’ùrtimu annu amus traballadu meda pro chi èsseret àpidu efetos positivos in s’organizatzione nostra”.

Custa publicatzione est disponìbile fintzas in: Italian

Pùblica unu cummentu