ARC: campànnia de informatzione e preventzione AIDS #faghe·luseguru

De Massimo Mele su 20 Maju 2014. manco unu cummentu

#faghe·luseguru #faghe·lupreservadu #faghe·luvestidu

S’assòtziu culturale ARC bandit unu cuncursu de ideas pro fàghere materiale pro sensibilizare sa tzitadinàntzia subra de sa preventzione de sas MTS (Maladias Trasmìtidas Sessualmente).

S’ARC comùnicat chi sa “deadline” pro sa presentada de sos iscritos pro leare parte a su cuncursu pro fàghere sa campànnia de informatzione e preventzione contra a sa MTS (Maladias Trasmìtidas Sessualmente) #faghe·luseguru# faghe·lupreservadu# faghe·luvestidu, promòvida dae ARC e dae Lila Casteddu, est istada ispostada a sàbadu su 7 de làmpadas de su 2014.
Su cuncursu est abertu a totus, sòtzios e non sòtzios de s’Assòtziu, a parte sos cumponentes de su Cussìgiu Diretivu de s’Assòtziu matessi e de sos àteros cullegados a custu (Assòtziu Universitàriu univeristARC, Tzìrculu de su Tzìnema ARCinema). A pustis de àere bidu una crèschida de casos de maladias trasmìtidas sessualmente, in particulare intre sos pitzinnos giòvanos meda, s’assòtziu ARC, paris cun L.I.L.A. – Lega Italiana pro sa Luta a s’AIDS, at detzisu de fàghere una campànnia de sensibilizatzione pro informare subra de sos arriscos cullegados a sa difusione de custas maladias.
Sos iscritos ammìntidos chi ant a dèvere arribare a manera regulare intro de su 31 de maju de su 2014 a s’indiritzu ufitziale associazionearc@gmail.com, ant a èssere trasmìtidos a sa giuria pro sas fases de valutatzione ebbia. Sa Cummissione (chi at a analizare de badas) at a formalizare sos traballos suos su 20 de làmpadas de su 2014 e at a èssere costituida in custa manera:

Carlo Dejana: presidente de s’assòtziu culturale ARC
Brunella Mocci: presidente de s’assòtziu L.I.L.A. Casteddu
d.ra Roberta Satta: Mèiga Dermatòloga de P.O. San Giovanni di Dio
Igor Deiana: presidente de s’assòtziu universitàriu UniversitArc
Stefano Asili: gràficu e disegnadore publitzitàriu

S’iscritu binchidore at a èssere premiadu cun 300 € e un’atestadu de partetzipatzione.
Pro informatziones e pro lèghere su bandu anda a sa pàgina

Custa publicatzione est disponìbile fintzas in: Italian